's Leipz'ger Gamäleonn (Georg Bötticher)

's Gamäleonn – jaa, das is Sie ä Dier,

Das nu eemal nicht fortgommt ze Lande hier.

Die vielen, die m'r hat eingefang'n,

Die sein Sie alle bald druff gegang'n.

So is es mit dän in Hamborg gewäsen

Un letzthin da widder mit dän in Dräsen.

M'r hätten ooch unsers schon lange verlorn,

Abber ärschtens is das in Leibz'g geborn

Un zweetens un drittens gommt noch d'rzu:

's is gar geens – sondern ä Gänguru!